| | MeckelborgMeckelborg, so seggt dat dei ein:
Sünd dei Ostsee, Sandstrand un Stein.
Ruhrdäcker, oll’ Fischerkaten,
Välurts Koppsteinplasterstraten.
Verdrömte Dörper, Kirchen, urolt,
Koppwiedenrämels bet an den’n Holt.
Hollweg un Läusen, Bäk un väl Seen,
Wischen, Koppeltuns, Kastannalleen.
Meckelborg, ein anner seggt so:
Sünd Bodderblaumen, gäl as Stroh.
Hoge Dannen, breide Eiken,
Dusend Öschen unner Bäuken.
Sünd Wildgäus un Kraunen oewern Brauk,
Un ok schneiwitt Möwen achtern Plaug.
Is Mahn un Träms mang hogen Roggen,
Sünd Mümmeln, Adebors un Poggen.
Ick segg:
Meckelborg, dat is Mangkaktäten,
Sünd dägte Kierls un säute Mäten.
Is, wur Lüd up Platt vertellen,
Läuschen, Rimels, oll’ Kamellen.
Is, wur bet hüt, up dissen Dag
Dei flietig, nurdisch Minschenschlag
Up Plattdütsch väl mihr seggen kann,
As up Hochdütsch dei Nahwersmann! | |
